E ardhmja e Rey Manajt pritet të jetë në Emiratet e Bashkuara Arabe.
Klubi Sharjah FC ka bërë një ofertë zyrtare prej 2 milionë dollarësh për sulmuesin shqiptar.
Skuadra nga Emiratet, që synon të përforcojë repartin ofensiv për sezonin e ri, ka vendosur Manajn si një nga objektivat kryesorë për merkaton aktuale.
Megjithatë, drejtuesit e Sivassporit nuk janë të gatshëm të lëshojnë lehtësisht sulmuesin.
Klubi turk kërkon rreth 3 milionë euro për të pranuar shitjen e sulmuesit shqiptar dhe nuk e konsideron ofertën aktuale si të mjaftueshme.
Negociatat pritet të vazhdojnë në ditët në vijim, ndërsa e ardhmja e Manajt do të varet nga rrjedha e bisedimeve dhe gatishmëria e Sharjah FC për të përmirësuar ofertën.
