E ardhmja e stolit të Partizanit B i është besuar trajnerit Alfred Deliallisi.
Pas mbylljes së bashkëpunimit me Korabin, 33-vjeçari ka gjetur gjuhën e përbashkët me drejtuesit e kuq për të marrë drejtimin e skuadrës në Kategorinë e Dytë.
Klubi i kuq arrin të afrojë një emër që ka sprovuar aftësitë e tij drejtuese edhe në elitën e futbollit tonë.
Më parë, Deliallisi ka qenë në krye të Erzenit përgjatë edicionit 2022/2023, periudhë ku realizoi me sukses objektivin për të mbetur në Superiore.
Përveç përvojës nga stoli, ai zotëron një bagazh të pasur si lojtar duke pasur kontribuar për ekipe si Teuta, Besa, Kamza, Erzeni apo Vora.
Te Partizani B besojnë se pjekuria e tij taktike do të shërbejë si një urë lidhëse mjaft efikase për zhvillimin e brezit të ri.
