Al-Ittihad dhe Genoa janë në bisedime për transferimin e Mario Mitajt.
Sipas mediave arabe mbrojtësi i Kombëtares mund të kalojë tek ekipi italian në formë huazimi me mundësi blerje.
Një mundësi për rikthimin në Europë për 22-vjeçarin dhe mbi të gjitha në një nga ligat kryesore si Serie A.
Mitaj është nën kontratë tek Al-Ittihad deri në 30 qershor të 2028.
Vlera e kartonit të tij sipas Transfermarkt është 4 milionë e gjysmë euro.
Mario Mitaj i cili numëron 32 ndeshje me Kombëtaren Shqiptare është aktivizuar edhe me AEK në Greqi dhe Lokomotiva e Moskës në Rusi.
Këto ditë ka patur ndryshim ekipi edhe për portierin Simon Simoni, i cili është transferuar nga Eintracht Frankfurt te Luzern në Zvicër ku firmosi për 3 sezone.
