Aventura e Kasim Bamba te skuadra e Egnatias ka përfunduar.
Sulmuesi nga Bregu i Fildishtë ishte bashkuar me kampionët në fuqi gjatë ditëve të para të muajit shtator për një periudhë prove.
Sipas raportimeve, lojtari tashmë është larguar nga rrogozhinasit. Pavarësisht se qëndroi për disa ditë nën urdhrat e trajnerit Nevil Dede, palët nuk arritën të nënshkruanin një kontratë zyrtare.
Egnatia vazhdon të konsiderohet si një nga pretendentët kryesorë për titull në këtë sezon të katërt radhazi në elitë.
Reparti i avancuar i skuadrës mbetet më produktivi në kampionat, duke realizuar plot 11 gola në pesë javët e para.
Pas fitores së fundit ndaj Partizanit, rrogozhinasit renditen në vendin e dytë në tabelën e klasifikimit. Ata ndodhen vetëm një pikë prapa Teutës kryesuese, duke treguar një formë mjaft të mirë sulmuese.
