Dy futbollistët shqiptarë, Jasir Asani dhe Regi Lushkja, janë larguar nga territori i Iranit pas sulmeve të koordinuara nga SHBA dhe Izraeli të shtunën e kaluar.
Menjëherë pas nisjes së konfliktit, kampionati vendas u pezullua dhe autoritetet u angazhuan për evakuimin e lojtarëve të huaj përmes rrugëve tokësore për shkak të bllokimit të fluturimeve.
Aktualisht, të dy lojtarët ndodhen jashtë kufijve iranianë dhe janë në gjendje të mirë shëndetësore. Të kontaktuar nga mediat, ata kanë konfirmuar sigurinë e tyre, por kanë zgjedhur të mos mbajnë qëndrime publike për shkak të situatës së tensionuar politike.
Pasiguria në rajon mbetet e lartë dhe për rifillimin e aktiviteteve sportive nuk ka ende një datë të përcaktuar. Kampionati iranian luhej pa tifozë që prej nisjes së protestave masive, ndërsa tani pezullimi i tij është i plotë.
Futbollistët pritet të qëndrojnë në vende të sigurta deri në një njoftim të dytë nga klubet e tyre.
