Sulmuesi 22-vjeçar i Flamurtarit, Erald Maksuti, do të largohet nga kampionati shqiptar për të vazhduar karrierën e tij në futbollin rus.
Raportohet se lojtari është shitur te skuadra e Akhmat Grozny, e cila militon në Premier League të Rusisë.
Marrëveshja mes klubeve konsiderohet e përfunduar, megjithëse detajet financiare të kësaj lëvizje nuk janë bërë ende publike. Kjo lëvizje vjen pas një sezoni pozitiv për Maksutin, i cili u shndërrua në një nga liderët e skuadrës vlonjate.
Gjatë kampionatit të fundit, sulmuesi arriti të shënonte 12 gola dhe të dhuronte 3 asiste për shokët e skuadrës. Megjithatë, performancat e tij nuk mjaftuan për të shmangur rënien e Flamurtarit nga Kategoria e Parë.
Te klubi i tij i ri në Rusi, 22-vjeçari do të gjejë edhe një tjetër futbollist shqiptar, mbrojtësin Klisman Cake. Ky transferim shihet si një hap i rëndësishëm për rritjen profesionale të lojtarit jashtë vendit.
Kalimi në elitën ruse pritet të zyrtarizohet sapo të plotësohet dokumentacioni përkatës administrative.
