Trajneri i Vllaznisë, Edi Martini, ka vijuar bojkotin ndaj televizionit publik “RTSH” pas përfundimit të ndeshjes kundër Vorës.
Tekniku kuqeblu refuzoi të jepte intervistën e zakonshme për shkak të pranisë së moderatores Hygerta Sako në studio.
Ky vendim erdhi pavarësisht paralajmërimeve se bojkoti i detyrimit mediatik mund të sjellë sanksione nga Komisioni i Disiplinës dhe Etikës në FSHF.
Klubi i Vllaznisë duket se mbështet qëndrimin e trajnerit, duke mos u tërhequr nga vendimi i marrë pas ndeshjes me Dinamon. Tashmë pritet të shihet nëse organet disiplinore do të ndërhyjnë me gjoba apo pezullime për këtë rast.
