Spanja është kualifikuar në gjysmëfinalen e Botërorit, pasi fitoi 2-1 ndaj Belgjikës. Sërish heroi i iberikëve ishte Mikel Merino, i cili u fut nga stoli dhe shënoi golin e kualifikimit.
Ndeshja nisi me dominimin e spanjollëve, që pas disa tentativave gjetën avantazhin në minutën e 30-të, me Fabian Ruiz.
Belgjika reagoi dhe barazoi shifrat me De Ketelaere, i cili shënoi me kokë, në rastin e parë të rrezikshëm.
Në fraksionin e dytë rastet ishin të shumta për të dyja ekipet, por dëmtimi i Thibaut Courtois duket se vendosi fatet.
Lammels i futur në vendin e portierit te Realit, tregoi pasiguri në një gjuajtje të Cubarsi dhe nga topi i kthyer përfitoi Mikel Merino, i cili shënoi pak minuta pas futjes në fushë.
Në gjysmëfinale, Spanja do të ketë një përballje shumë të vështirë ndaj Francës.
