Mesfushori Sherif Kallaku i është bashkuar zyrtarisht skuadrës së Teutës, me të cilën ndodhet aktualisht në Bansko të Bullgarisë për të zhvilluar fazën përgatitore.
Lojtari u shfaq në protokollin e ndeshjes në stolin e rezervave përpara fillimit të miqësores së parë që durrsakët luajtën kundër bullgarëve të Ludogorets.
Ky kalim vjen si një lëvizje e papritur, pasi te Vllaznia, klubi i tij i mëparshëm, kishin besim se mesfushori do të vazhdonte të qëndronte në Shkodër pas rinovimit të kontratës.
Për sa i përket testit miqësor në fushë, përballja u fitua nga Ludogorets me rezultatin minimal 1-0, falë një goli të shënuar gjatë pjesës së dytë të takimit.
