Aston Villa ka shprehur interes për mesfushorin e Milanit, Ruben Loftus-Cheek, si një zëvendësues i mundshëm për të dëmtuarin Boubacar Kamara.
Trajneri Unai Emery po kërkon përforcime në mesfushë për të ruajtur ritmin e garës në Premier League dhe Kupat e Europës. Megjithëse lojtari ka deklaruar dëshirën për të qëndruar në “San Siro”, vështirësitë për të gjetur hapësirë si titullar këtë sezon mund të ndikojnë në vendimin e tij.
Milani e konsideron anglezin një lojtar të rëndësishëm, por nuk e cilëson atë si të pashitshëm në rast të një oferte të përshtatshme.
Klubi italian kërkon rreth 15 milionë euro për kartonin e tij, por marrëveshja mund të mbyllet edhe për një shifër më të ulët. Për kuqezinjtë, mjafton një arkëtim prej 8.5 milionë eurosh për të shmangur humbjen financiare nga ky transferim.
Momentalisht, palët janë në fazën fillestare, ndërsa Aston Villa po vlerëson edhe opsione të tjera në treg.
