Miqësorja para ndeshjes europiane, Dinamo sfidon maqedonasit

Skuadra e Dinamos, nën drejtimin e trajnerit Ilir Daja, është zhvendosur në Ohër për të zhvilluar fazën përgatitore përpara pjesëmarrjes në kualifikueset e Ligës së Konferencës, ku shorti i ka vënë përballë kazakëve të Astanës. 

Gjatë këtij grumbullimi, ekipi kryeqytetas ka programuar një ndeshje miqësore testuese kundër skuadrës maqedonase Sileks. 

Ky takim do të zhvillohet ditën e martë, më 23 qershor, në orën 17:00, në stadiumin “Biljanini Izvori” të Ohrit. Sileks gjithashtu merr pjesë në të njëjtin kompeticion europian si fituese e Kupës së Maqedonisë së Veriut, teksa shorti i tyre ka përcaktuar si kundërshtar ekipin tjetër bjellorus, Dinamo Minsk. 

Përballja shërben si një mundësi e mirë për të dy trajnerët për të testuar gjendjen fizike dhe taktike të lojtarëve të tyre.