Gjermania fitoi me përmbysje 2-1 ndaj Bregut të Fildishtë, në ndeshjen e vlefshme për Grupin E në Botëror.
Një duel i vështirë për pancerat, që e mbyllën pjesën e parë në disavantazh. Në minutën e 30-të, Kessie i dha avantazhin Bregut të Fildishtë.
Afrikanët kishin disa mundësi të arta për të dyfishuar në fillimin e pjesës së dytë, por nuk i shfrytëzuan si duhej.
Gjermania përfitoi nga kjo dhe ia doli të barazojë me Undav në minutën e 68-të. Pas këtij goli, të dyja kombëtaret patën raste të pastra për avantazhin, por pancerat u treguan me të saktë.
Undav bëri heroin në shtesë, duke shënuar të dytin dhe të fitores për Gjermaninë, që siguron kualifikimin për më tej.
