Mesfushori Rijad Kobiljar i ka dhënë lamtumirën e papritur skuadrës së Vllaznisë vetëm pak muaj pas transferimit në Shkodër.
Boshnjaku do ta vazhdojë karrierën e tij në Bahrejn, ku ka nënshkruar me ekipin e Muharraq SC. Largimi i tij erdhi në mënyrë mjaft të papritur, pasi lojtari u aktivizua në sfidën hapëse të kampionatit ndaj Skënderbeut.
Ndërkohë, ditët e fundit kanë sjellë edhe një tjetër lajm të rëndësishëm për mesfushorin nga shtëpia e futbollit botëror.
FIFA i ka dhënë të drejtë Kobiljarit në gjyqin e hapur kundër klubit turk të Sakaryaspor-it për mospagesa detyrimesh. Lojtari ishte aktivizuar me turqit në pjesën e parë të edicionit 2025-2026, përpara se të kalonte te Tirana.
Për shkak të prishjes së njëanshme të kontratës dhe pagave të pashlyera, FIFA i ka bllokuar merkaton Sakaryaspor-it. Klubi turk nuk do të mund të afrojë lojtarë të rinj pa shlyer më parë të gjithë detyrimin ndaj mesfushorit.
