Sulmuesi shënon pas dëmtimit, Broja në telashe

Burnley triumfoi 3-2 ndaj Wolves në Premier League, në një ndeshje ku sulmuesi i Kombëtares, Armando Broja qëndroi në stol gjatë gjithë takimit.

Pëe shqiptarin kjo është ndeshja e dytë radhazi që qëndron në stol dhe nuk merr asnjë minutë.

Vendimet e trajnerit Parker në këtë ndeshje nuk mund të vihen në dyshim pasi fusha i dha të drejtë pasi tre golat e Burnley-t kishin për autor dy “rivalët” e Brojës për një vend në formacion. Flemming gjeti dy herë (14’, 30’) rrugën e portës në pjesën e parë ndërsa në të dytën ishte një tjetër sulmues i ardhur nga stoli ai që shënoi edhe golin e fitores përballë Wolves.

Bëhet fjalë për Lyle Foster, i cili vinte pas një dëmtimi dhe u aktivizua në majën e sulmit vetëm 13’ nga fundi. Goli i afrikano jugorit, i shënuar në të 95’, ishte deciziv për ekipin e Burnley-t ndërsa pas ndeshjes ish-lojtari i Arsenal tregoi se çfarë kishte bërë diferencën në këtë takim .

“Mendoj se ai ekzekutim i bërë nga Foster nuk është i rastësishëm. Siç dihet Lyle ka qenë një lojtar i akademisë së Arsenal dhe e ka parë atë lloj goditje në stërvitje nga Mesut Ozil”, shpjegoi Theo Walcott.