kategoria superiore final four
“Final 4” po shkon drejt heqjes përfundimtare në futbollin shqiptar. Pas tre sezonesh aplikimi, kjo fazë finale do të hiqet nga struktura e Superiores për shkak të dështimit të pritshmërive.
Analizat e fundit kanë evidentuar disa problematika madhore, ku spikasin rënia drastike e numrit të tifozëve në ndeshjet vendimtare, mungesa e skuadrave të kryeqytetit në fazën finale dhe kritikat e vazhdueshme mbi cenimin e meritokracisë së 36 javëve të kampionatit të rregullt.
Përballë kësaj situate, FSHF po diskuton dy variante për modelin e ri: rikthimin te kampionati klasik me 4 faza ku fiton ai që ka më shumë pikë, ose një format me më pak javë që kombinohet me ndarjen e ekipeve në grupe sipas renditjes.
Vendimi zyrtar pritet të merret në javët në vijim, duke mbyllur përfundimisht këtë cikël eksperimental.
