Ish-sulmuesi i Egnatias, Kastrioti Selmani, është zyrtarisht futbollisti më i ri i Prishtinës. 27-vjeçari, i cili sapo u shpall kampion i Shqipërisë me skuadrën rrogozhinase, është prezantuar ditën e sotme nga drejtuesit e klubit bardheblu.
Kjo lëvizje shënon një hap të rëndësishëm për Prishtinën, e cila ka nisur punën intensivisht për ndërtimin e një organike kompetitive për sezonin e ri.
Selmani shihet si një përforcim me mjaft vlerë për repartin e avancuar, ku pritet të sjellë më shumë shpejtësi dhe kreativitet në manovrën sulmuese.
Ky transferim ka gjithashtu një rëndësi të veçantë simbolike, pasi anësori 27-vjeçar mban statusin e blerjes së parë zyrtare të klubit kryeqytetas që prej emërimit të teknikut Orges Shehi në stol.
