FIFA ka vendosur të bllokojë merkaton e Besës së Kavajës për shkak të mospagesës së një detyrimi ndaj një pale të tretë.
Vendimi është marrë pas shqyrtimit të një çështjeje në organet disiplinore të FIFA-s, e cila i ka dhënë të drejtë ankimuesit në dëm të klubit shqiptar.
Sipas “Panorama Sport” që nga data 1 tetor, Besa i është shtuar listës së klubeve shqiptare me merkato të pezulluar, ku përfshihen edhe Luftëtari, Oriku, Kastrioti dhe Valbona. Sipas rregullores, kavajasit duhet të shlyejnë pagesën për të rikthyer të drejtën e afrimeve në janar.
Klubi e nisi sezonin me objektivin për t’u ngjitur në Superiore, por aktualisht ndodhet larg zonës së kreut. Situata financiare dhe sportive pritet të ndikojë në ecurinë e skuadrës për pjesën e mbetur të kampionatit.
