Shqipëria ka siguruar për herë të parë në histori pjesëmarrjen në “Play Off”-in e Kupës së Botës, pas fitores 0-1 ndaj Andorrës.
Skuadra e Silvinjos po kalon një moment pozitiv, duke shënuar edhe rekordin me pesë fitore radhazi. Seria përfshin sukseset ndaj Gjibraltarit, Letonisë, Serbisë, Jordanisë dhe Andorrës.
Shqipëria hyn në “Play Off” me besim dhe me një grup të konsoliduar, edhe pse rruga drejt Botërorit mbetet e vështirë.
Ndeshja e radhës është ajo ndaj Anglisë më 16 nëntor, e cila nuk ndikon në renditjen përfundimtare. Kuqezinjtë fokusohen tashmë në përgatitjen për sfidat e marsit që do të vendosin fatin e tyre në garën drejt SHBA-Meksikë-Kanada 2026.
