Merkatoja e verës ka sjellë lëvizjet e para te Dinamo City, duke nisur zyrtarisht fazën e largimeve.
Tiago Nani nuk do të jetë më pjesë e skuadrës kryeqytetase për sezonin e ri. Sipas raportimeve të fundit, thuhet se sulmuesi portugez dhe drejtuesit e klubit kanë gjetur gjuhën e përbashkët për të mbyllur bashkëpunimin, duke e lënë 28-vjeçarin si lojtar të lirë në treg.
Aventura e Nanit me “Nëndetësen” ishte mjaft e suksesshme, ku përgjatë 78 ndeshjeve të zhvilluara arriti të shënonte 8 gola dhe të dhuronte 10 asistime. Për më tepër, ai largohet nga blutë me një dollap trofesh të pasur, duke fituar dy herë Kupën e Shqipërisë dhe një herë Superkupën.
Cilësitë e tij kanë bërë që menjëherë pas daljes në treg, disa skuadra të tjera të Superligës të shfaqin interes të lartë për të siguruar shërbimet e tij.
