Klubi i Egnatias ka zyrtarizuar një tjetër lëvizje të rëndësishme në merkaton e verës, duke prezantuar mbrojtësin e djathtë Geralb Smajli.
Futbollisti vjen te rrogozhinasit si një lojtar i lirë, pasi mbylli rrugëtimin e tij me skuadrën e Ballkanit, ku u shpall nënkampion i Kosovës.
Smajli ka hedhur menjëherë firmën mbi kontratën e re dhe pritet të shndërrohet në një pikë referimi për skemat taktike të trajnerit Nevil Dede.
Përmes një videoje prezantimi në faqet zyrtare, klubi i uroi mirëseardhjen mbrojtësit, duke vlerësuar nisjen e këtij kapitulli të ri me ngjyrat bardhejeshile.
Ky afrim tregon qartë synimet e Egnatias për të blinduar krahët e prapavijës përpara sfidave të rëndësishme të sezonit të ri.
