Egnatia është elminuar në turin e dytë të Champions League pas ekzekutimit të penalltive ndaj skuadrës së Celje.
Sfida e kthimit në Slloveni përfundoi në barazim 2-2, ndërsa takimi i parë ishte mbyllur 3-3.
Rrogozhinasit kaluan të parët në avantazh në minutën e 21-të pas një autogoli të mbrojtësit vendas Darko Hrka. Megjithatë, Celje barazoi shifrat në minutën e 34-të me anë të Mario Kvesic nga goditja e dënimit.
Me barazimin 1-1 u mbyll koha e rregullt prej 90 minutash, duke e dërguar ndeshjen në kohën shtesë. Vendasit kaluan në avantazh me një penallti të realizuar sërish nga Kvesic, por Geralb Smajli barazoi shifrat për Egnatian në minutën e 114-të.
Nga pika e bardhë e penalltive, futbollistët e Celje u treguan më të saktë duke fituar me rezultatin 4-2.
Pavarësisht këtij eliminimi, Egnatia do të vazhdojë rrugëtimin në Europë ku do të përballet me Shamrock Rovers në Conference League.
