Pas përfundimit të sezonit të rregullt në Superiore, është zyrtarizuar edhe kalendari i fazës “Final 4”, ku do të përcaktohet skuadra kampione e sezonit.
Në këtë fazë do të marrin pjesë Vllaznia, Elbasani, Egnatia dhe Dinamo City. Sipas rregullores, pikët e grumbulluara gjatë kampionatit do të përgjysmohen dhe do të llogariten me vlerën më të ulët. Vllaznia dhe Elbasani e nisin fazën finale me nga 31 pikë, ndërsa Egnatia ka 28 dhe Dinamo City 24 pikë.
Ndeshja e parë do të luhet më 16 maj mes Vllaznisë dhe Dinamo City, ndërsa një ditë më pas përballen Elbasani dhe Egnatia. Më 23 maj do të luhet sfida Vllaznia-Egnatia, ndërsa më 24 maj Elbasani do të përballet me Dinamo City.
Dy ndeshjet e fundit janë Egnatia-Dinamo City më 29 maj dhe Vllaznia-Elbasani më 31 maj. Të gjitha sfidat e “Final 4” do të zhvillohen në stadiumin “Air Albania” duke nisur nga ora 19:00.
Renditja përfundimtare e skuadrave në këtë fazë sipas rregullores do të jetë si më poshtë:
1. Vllaznia 31 pikë
2. Elbasani 31 pikë
3. Egnatia 28 pikë
4. Dinamo City 24 pikë
Kalendari i ndeshjeve të Final 4:
Vllaznia vs Dinamo City, 16.05.2026 19:00
Elbasani vs Egnatia, 17.05.2026 19:00
Vllaznia vs Egnatia, 23.05.2026 19:00
Elbasani vs Dinamo City, 24.05.2026 19:00
Egnatia vs Dinamo City, 29.05.2026 19:00
Vllaznia vs Elbasani, 31.05.2026 19:00
