Teuta ka siguruar një afrim të rëndësishëm për repartin e avancuar, duke mbyllur me sukses transferimin e sulmuesit Mmesoma Umeijego. Futbollisti shtatëlartë ka gjetur marrëveshjen me drejtuesit e skuadrës bregdetare dhe do të mbajë veshur fanellën durrsake për edicionin e ri futbollistik.
Ky zhvillim shënon fundin e një periudhe të ndërlikuar për sulmuesin nigerian, i cili kohët e fundit ishte penalizuar nga ana e klubit të Apolonisë, që nuk po lejonte largimin e tij të parakohshëm drejt një destinacioni tjetër në kampionat. Lëvizja e tij vlerësohet si një goditje interesante për projektin sportiv të Teutës, që për sezonin e ri do të udhëhiqet në pankinë nga trajneri Edlir Tetova.
Historia e këtij transferimi daton që nga muaji janar, periudhë kur Teuta kishte arritur të nënshkruante një parakontratë me 23-vjeçarin, i cili në atë moment kishte mbetur edhe me gjashtë muaj kontratë të vlefshme me Apoloninë. Gjatë merkatos së dimrit, drejtuesit e klubit durrsak tentuan të blinin kartonin e tij për ta pasur lojtarin menjëherë nën urdhrat e stafit teknik, por fierakët refuzuan ofertën financiare të paraqitur prej tyre në atë periudhë.
Pavarësisht rezistencës së hershme të klubit, situata u zgjidh përfundimisht me mbylljen e sezonit. Umeijego, i cili la gjurmë në pjesën e parë të kampionatit duke shënuar 8 gola në 12 ndeshje me Apoloninë.
