Vllaznia duket gati për ndeshjen ndaj Vikingur Reykjavik. Në ndeshjet e turit të dytë në Conference League, Edi Martini pritet të bëjë disa ndryshime, ku titullarë projektohen afrimet e fundit. Shkodranët pritet të zbresin në fushë me skemën 3-5-2
Në portë pritet titullar lojtari i sapoafruar, Leon Pohls. Është fakt se mbrojtja e katërkëndëshit ka qenë një situatë problematik te shkodranët, të cilët kërkojnë të gjejnë balancat e duhura.
LEXO EDHE: ZYRTARE/ Trajneri largohet nga klubi i Superiores, zbulohet arsyeja
Edhe reparti i mbrojtes do të ketë “freski” në emra. Kuros, Bajrami dhe Gjini do të përbëjnë “murin” në prapavijë. Gurishta dhe Jago do të furnizojnë sulmin me topa nga krahët, ndërsa Bismark Charles pritet të udhëheq sulmin nën “shoqërinë” e Bekim Balaj. Dallohet qartë se ndeshjet me Daugavpils e ka kthjelluar Edi Martinin për të bërë revolucion në formacion.
