Faqja “Albania Team”, ka zbuluar disa prapaskena, në lidhje me stolin e Shqipërisë U-19.
Sipas burimit të sipërpërmendur, FSHF kishte zhvilluar kontakte me trajnerin e Kosovës, Adil Maliqi për drejtimin e skuadrës U19, por në fund u zgjodh Julian Ahmataj.
Thuhet se Ardi Behari ka qenë mbështetës i emërimit të Maliqit, megjithatë nuk dihet qartë nëse kundërshtimi ka ardhur nga Fulvio Pea apo nga drejtues të tjerë.
Maliqi vlerësohet për punën e bërë me Kosovën U19, duke siguruar kualifikime të rëndësishme dhe një fitore historike ndaj Spanjës U19. Ai është njohur gjithashtu për angazhimin e tij personal, pasi në fundjavat e kampionateve udhëtonte me shpenzimet e veta në Gjermani dhe Zvicër për të ndjekur lojtarë të rinj.
Qëllimi i tij ka qenë identifikimi i talenteve dhe afrimi i tyre në përfaqësueset e Kosovës.
