Elbasani ka marrë kreun e renditjes në Superiore pas një fitoreje bindëse 3-1 në përballjen direkte kundër Vllaznisë. Protagonisti absolut i mbrëmjes së të hënës ishte Xhonatan Lajthia, i cili shënoi dy gola dhe u përfshi në aksionin e golit të tretë.
Megjithatë, kjo humbje dhe humbja e vendit të parë nuk duket se kanë lëkundur besimin e presidentit të Vllaznisë, Alban Xhaferri.
Përmes një postimi në rrjetet sociale, Xhaferri ka thumbuar rivalët e Elbasanit, duke u kujtuar se “disa festojnë para kohe sepse nuk janë mësuar të jenë në krye”.
Kreu i klubit shkodran ka theksuar se skuadra e tij di të presë dhe të godasë në momentin e duhur, duke shprehur bindjen se rruga e tyre do të çojë sërish drejt majës.
Postimi:
DISA FESTOJNË PARA KOHE…
…sepse nuk janë mësuar të jenë në krye.
Ne dimë të presim…
dhe të godasim në momentin e duhur.
Sepse kjo është një skuadër që ngrihet.
Një qytet që nuk thyhet.
Dhe një rrugë që na çon drejt kreut. Me ndihmën e Zotit… deri në fund
