Ylber Ramadani pritet të largohet së shpejti nga skuadra e Leçes në Seria A italiane.
Sipas informacioneve të bëra publike nga Sky Sport, mesfushori i kombëtares shqiptare ka përzgjedhur si destinacionin e tij të ri klubin e Çorum, i cili garon në elitën e futbollit turk.
Ky transferim vjen pas një eksperience trevjeçare të futbollistit në kampionatin italian. Largimi i tij pritet të ndryshojë planet e merkatos për klubin e Salentos, të cilit do t’i duhet të gjejë një zëvendësues me peshë për repartin e mesfushës.
Pavarësisht integrimit të tij të shkëlqyer dhe kontributit të madh te Leçe, lojtari ka kërkuar një sfidë të re ku mund të ketë një rol më udhëheqës në fushë.
Kalimi në Turqi shihet si një mundësi për të pretenduar objektiva më të lartë, ndryshe nga synimi për mbijetesë që kishte në Itali. Tratativat mes palëve pritet të finalizohen zyrtarisht në ditët në vijim.
