Beteja për mbijetesë në Superiore është futur në fazën më të nxehtë, ku pesë javë para fundit, Tirana, Vora dhe Bylisi gjenden në një baraspeshë të plotë pikësh.
Situata është aq komplekse sa llogaritë e rregullores së FSHF-së po kthehen në një sfidë më vete për klubet, veçanërisht për bardheblutë.
Sipas rregullores, renditja gjatë kampionatit bazohet te golavarazhi i përgjithshëm, por në fund të sezonit gjithçka vendoset nga ndeshjet direkte.
Në një skenar ku të tria skuadrat e mbyllin me pikë të barabarta, Vora është skuadra më e avantazhuar falë golavarazhit më të mirë në përballjet mes tyre (+2). Tirana dhe Bylisi ndodhen në vështirësi me golavarazh -1 në këto sfida.
Paradoksi i kësaj gare qëndron te fakti se Tiranës mund t’i duhet të bëjë “tifozllëk” për fitoren e njërit prej rivalëve në javën e fundit.
Nëse Vora dhe Bylisi ndajnë pikët dhe lënë Tiranën në baraspeshë me ta, bardheblutë rrezikojnë seriozisht për shkak të golavarazhit të përgjithshëm, ku aktualisht Bylisi qëndron më lart falë një goli më shumë të shënuar.
RREGULLORJA E FSHF-SË
22.4. Nëse dy ose më shumë ekipe kanë grumbulluar të njëjtën sasi pikësh, renditja e tyre në tabelën e klasifikimit përcaktohet duke mbajtur në konsideratë kriteret më poshtë:
- Pikët e grumbulluara në ndeshjet e zhvilluara midis ekipeve përkatëse;
- Diferenca e golave të shënuar dhe të pësuar në ndeshjet e zhvilluara midis ekipeve përkatëse;
- Diferenca e golave të shënuar dhe të pësuar gjatë Kampionatit Kombëtar të Futbollit, për Abissnet Superiore në sezonin përkatës;
- Numri më i madh i golave të shënuar gjatë Kampionatit Kombëtar të Futbollit, për Abissnet Superiore, sezoni futbollistik përkatëse;
- Me short;
RENDITJA ME PËRBALLJET DIREKTE(Ka mbetur për t’u luajtur Vora-Bylis)
