Armando Broja, me shumë mundësi, do të mungojë në përballjen e Shqipërisë kundër Polonisë më 26 mars.
Shkak është bërë dëmtimi i pësuar me skuadrën e tij, Burnley, ku procesi i rikuperimit po rezulton më i ngadaltë nga sa pritej.
Trajneri Silvinjo humbet kështu një nga pikat më të forta të repartit ofensiv në momentin më vendimtar të eliminatoreve. Mungesa e aktivizimit të sulmuesit gjatë javëve të fundit në Angli e bën pothuajse të pamundur grumbullimin e tij.
Shqipëria do të kërkojë fitoren në Varshavë për të siguruar finalen, ku do të ndeshej me fituesin e çiftit Ukrainë–Suedi.
Stafi mjekësor i Kombëtares po monitoron situatën, por gjasat që Broja të jetë në fushë janë minimale, duke detyruar teknikun brazilian të kërkojë alternativa të tjera për sulmin kuqezi.
