Mario Mitaj ishte një nga futbollistët më të spikatur të Kombëtares shqiptare gjatë kualifikueseve të Botërorit 2026.
Mbrojtësi i majtë ka marrë vlerësime të rëndësishme për paraqitjet e tij me Shqipërinë. “SofaScore” e ka përfshirë Mitajn në formacionin ideal të zonës së Europës, duke e renditur si mbrojtësin e majtë më të mirë të këtij cikli.
Ai është pjesë e një formacioni ku përfshihen lojtarë nga Franca, Portugalia, Holanda, Belgjika, Spanja dhe Anglia. Mitaj ka marrë notën mesatare 7.62 për ndeshjet e zhvilluara.
Ai luajti në 6 nga 8 ndeshjet e Shqipërisë, duke munguar në të dyja përballjet me Anglinë për shkak dëmtimi dhe kartonësh. Në të gjitha ndeshjet ku ishte i gatshëm, ai ishte titullar dhe një element thelbësor i skuadrës.
