Sulmuesi 23-vjeçar, Irgi Kasalla, pritet të prezantohet te klubi ukrainas Kolos Kovalivka. Drejtuesit e skuadrës ukrainase kanë arritur akordin me Vorën për blerjen e kartonit të tij.
Kasalla u shndërrua në zbulimin e vërtetë të këtij edicioni në elitën e futbollit shqiptar. Me 13 gola dhe pesë asistime, ai mban aktualisht vendin e parë në renditjen e golashënuesve.
Ndonëse sulmuesi kishte edhe një vit mbetur në kontratë, klubi i Vorës përfitoi financiarisht nga ky largim. Ky kalim në kampionatin ukrainas wshtw një hap të madh përpara në karrierën e tij. Duhet theksuar se përpara këtij sezoni, lojtari kishte aktivizuar vetëm në Kategorinë e Parë.
Pasi u bashkua me Vorën, ai ia doli të kthehej shpejt në lojtarin kyç të ekipit. Kontributi i tij i jashtëzakonshëm në fushë rezultoi vendimtar për të siguruar mbijetesën e skuadrës.
Nën udhëheqjen e trajnerit Bellaj, ekipi arriti të qëndronte mes më të mirëve të kampionatit. Tashmë për sulmuesin e talentuar pritet të nisë një eksperiencë e re dhe mjaft interesante jashtë vendit.
