Ezema Shedrack Ndubisi përflitet të jetë afrimi i radhës i Skënderbeut në këtë merkato.
Sulmuesi 20-vjeçar vjen nga Nigeria dhe konsiderohet një lëvizje surprizë nga klubi korçar.
Ai pritet të shtojë alternativat në repartin ofensiv për pjesën e mbetur të sezonit. Ndubisi aktivizohet kryesisht si sulmues anësor në krahun e majtë, por mund të luajë edhe si sulmues i dytë.
Futbollisti ka një gjatësi prej 1.70 metrash. Aktualisht, informacionet për karrierën e tij janë të kufizuara.
Megjithatë, emri i tij rezulton i regjistruar në Federatën Shqiptare të Futbollit. Ky fakt ka shtuar zërat për një transferim të mundshëm te Skënderbeu.
