Presidenti i La Liga-s, Javier Tebas, nuk ka kursyer kritikat ndaj Realit të Madridit, duke i kërkuar klubit mbretëror të ndalojë ankesat e vazhdueshme ndaj arbitrimit.
Gjatë një deklarate të fundit, Tebas theksoi se “Los Blancos” duhet të përqendrohen te gara në fushë dhe jo te videot e tyre në televizionin zyrtar të klubit. Sipas tij, presioni i ushtruar ndaj gjyqtarëve dëmton imazhin e kampionatit spanjoll.
“Duhet t’i lënë kritikat për arbitrat dhe të shohin kampionatin, pasi ka ende shumë pikë në lojë,” u shpreh kreu i La Liga-s, duke lënë të kuptohet se gara për titull mbetet e hapur dhe se performanca sportive duhet të jetë prioriteti kryesor i madrilenëve.
