Përpara ndeshjes së 11 tetorit ndaj Shqipërisë, kombëtarja e Serbisë po përballet me disa mungesa të rëndësishme.
Pas lëndimit të mbrojtësit të Leipzig, Kosta Nedeljkoviç, dhe pezullimeve të Milenkoviç e Lukiç, trajneri Dragan Stojkoviç nuk do të ketë as Aleksandar Katai-n.
Sulmuesi i Crvena Zvezdës u dëmtua në ndeshjen e Champions League ndaj Celtic dhe do të mungojë për 2-3 javë. Kjo do ta bëjë atë të humbasë përballjen me Shqipërinë.
Mungesat ndikojnë në të gjitha repartet e skuadrës serbe, duke e vështirësuar punën e trajnerit.
Përveç problemeve teknike, Serbia duhet të përballet edhe me sanksionin e FIFA-s për sjelljen e tifozëve, që sjell ulje të kapacitetit të stadiumit në Leskovac nga 8100 në 6500 vende.
