Dinamo ka regjistruar një tjetër rezultat zhgënjyes, duke konfirmuar momentin e vështirë. Skuadra e drejtuar nga Ilir Daja, u mposht minimalisht nga Teuta, në stadiumin “Air Albania” në ndeshjen e javës së 28-të në Superiore.
Blutë e kryeqytetit e nisën ndeshjen më kërkues, duke iu afruar golit në disa raste, por nuk arritën të konkretizojnë.
Në krahun tjetër, Teuta ia doli të godasë në momentin më të mirë të vendasve. Në minutën e 31-të, Arifi kaloi durrsakët në avantazh, pas një asisti të marrë nga Ismajli.
Në pjesën e parë Dinamo e kishte të vështirë për të reaguar. Në të dytën, portieri Selmani ishte vendimtar, me disa pritje për miqtë, duke mbajtur portën e paprekur.
Deri në fund, Teuta ia doli të ruajë avantazhin, për të marrë fitoren, e cila i ngjit në kuotën e 37 pikëve, në vendin e gjashtë, dy pikë më pak se Dinamo e vendit të pestë.
