Tirana do të përballet me Vorën në kuadër të javës së tretë të Kategorisë Superiore. Përballja mes dy skuadrave do të zhvillohet ditën e diel duke filluar nga ora 16:00.
Sipas asaj që zbulohet nga FSHF, bardheblutë do ta zhvillojnë këtë sfidë si vendas në stadiumin “Selman Stërmasi”.
Kjo ndeshje shihet si një mundësi e mirë për kryeqytetasit për të lënë pas dy humbjet e pësuara në fillim të kampionatit. Skuadra e Tiranës vjen pas rezultateve negative përballë Egnatias dhe Teutës, ku nuk ka marrë ende asnjë pikë.
Trajneri Dean Klafuriç nuk ia ka dalë të marrë maksimumin nga ekipi, përkundër përforcimeve të bëra gjatë merkatos së verës.
Tekniku kroat kërkon me çdo kusht fitoren e tij të parë në stol për të shmangur thellimin e krizës.
