Klubi i Tiranës ka zyrtarizuar qëndrimin e sulmuesit Redon Xhixha, duke i dhënë fund të gjitha spekulimeve të fundit rreth të ardhmes së tij.
Përmes një postimi në faqen zyrtare në rrjetet sociale, bardheblutë kanë bërë të ditur se kapiteni ka pranuar ofertën e tyre dhe ka hedhur firmën mbi kontratën e re.
Ky rinovim konsiderohet një lëvizje strategjike për Tiranën, e cila ka nisur punën për rindërtimin e plotë të skuadrës pas një sezoni të vështirë në Superiore.
Për vetë Xhixhën, kjo marrëveshje sjell stabilitetin e duhur në karrierë, ndërsa ekipi siguron një pikë të fortë referimi në repartin e avancuar për të synuar rikthimin te trofetë.
