Ish-sulmuesi i njohur i Partizanit dhe Flamurtarit në Superiore, Astrit Fazliu, ka marrë zyrtarisht drejtimin e skuadrës së Dinamos së Ferizajt.
Tekniku vjen pas një eksperience të suksesshme në stolin e Lepencit, ekip me të cilin arriti të siguronte ngjitjen historike në Ligën e Parë të Kosovës.
Tashmë, Fazliu hedh një tjetër hap të rëndësishëm në karrierën e tij, ku misioni i tij i ri do të jetë udhëheqja e Dinamos së Ferizajt drejt elitës së futbollit kosovar.
Drejtuesit e klubit ferizajas shprehën kënaqësinë e tyre për arritjen e marrëveshjes, duke vlerësuar bagazhin e madh të Fazliut, i cili si futbollist aktiv ka fituar katër tituj kampionë, si dhe përvojën e tij të mëparshme si trajner te klubet FC Dielli dhe FC Lepenci.
