Ndeshja e fundit e kampionatit kundër Laçit ka shënuar edhe fundin e rrugëtimit të Ernest Gjokës si trajner i Skënderbeut.
Edhe pse kjo eksperiencë mund të kurorëzohej me fitimin e trofeut, humbja në sekondat e fundit bëri që skuadra korçare ta mbyllte sezonin në vendin e dytë.
Gjoka, i cili ishte pjesë e ekipit që nga edicioni i kaluar, kishte një kontratë që përfundonte pikërisht në mbyllje të këtij sezoni.
Pas takimit të sotëm, palët nuk kanë shprehur dëshirën për të vazhduar bashkëpunimin, duke çuar në ndarjen e rrugëve mes tyre.
Ndërkohë që tekniku do të kërkojë një destinacion të ri në karrierë, drejtuesit e Skënderbeut kanë nisur menjëherë punën për gjetjen e një pasardhësi.
Klubi synon të emërojë trajnerin e ri brenda javëve të ardhshme për të planifikuar ndërtimin e skuadrës për rikthimin në elitë.
