Mungesa e Armando Brojës në miqësoren mes Burnley-t dhe Ajax-it nuk ka ardhur për arsye disiplinore apo teknike.
Sulmuesi i kombëtares shqiptare nuk u përfshi në listë për sfidën e zhvilluar në Holandë, ku Burnley u mposht me rezultatin 2-1. Pas takimit, trajneri i ri i skuadrës angleze, Niki Hajen, sqaroi se mungesa e 24-vjeçarit lidhet sërish me një problem fizik.
Tekniku belg deklaroi se Broja ka pësuar një dëmtim të lehtë dhe do të duhet të qëndrojë jashtë fushave të blerta për disa javë. Ky lëndim i ri e penalizon sërish sulmuesin gjatë fazës përgatitore të ekipit.
Megjithatë, emri i lojtarit shqiptar vazhdon të mbetet i lakuar në merkaton e verës, ku ka interesime nga klube të Serisë A. Broja ka një kontratë afatgjatë me Burnley-n, e cila është e vlefshme deri në vitin 2030. Nëse do të ketë një lëvizje gjatë kësaj periudhe, opsioni më i mundshëm për të ardhmen e tij mbetet huazimi.
