Liverpool ka vijuar ecurinë pozitive në kampionat duke arritur fitoren e pestë radhazi në Premier League. Në derbin e qytetit ndaj Evertonit, të kuqtë triumfuan me rezultatin 2-1.
Gravenerch kaloi vendasit në avantazh në minutën e 10-të, ndërsa Ekitike realizoi golin e dytë në minutën e 29-të. Pjesa e parë u mbyll me këtë rezultat.
Në fraksionin e dytë, Everton reagoi dhe ngushtoi shifrat me golin e Gueye në minutën e 58-të. Përpjekjet e mëtejshme të skuadrës mike nuk mjaftuan për të barazuar.
Liverpool ruajti rezultatin deri në fund dhe me këtë fitore mban kryesimin e kampionatit me 15 pikë. Everton mbetet në vendin e shtatë me 7 pikë.
/Cna
