Drejtuesit e klubit të Vllaznisë kanë nisur punën për ndërtimin e organikës së skuadrës për sezonin e ri futbollistik 2026-27.
Pavarësisht se aktualisht janë përballë një bllokimi të merkatos, drejtuesit e klubit po punojnë në prapaskenë për të siguruar përforcimet e para.
Objektivi kryesor i afrimeve të reja është sulmuesi anësor Patrik Bardhi, i cili shihet si një profil i përshtatshëm për të shtuar ritmin në fazën ofensive.
Futbollisti 28-vjeçar vjen pas një edicioni pozitiv me skuadrën e Vorës, ku u aktivizua në 34 ndeshje zyrtare, duke shënuar dy gola dhe duke dhuruar tre asistime.
Gjatë karrierës së tij në elitën e futbollit shqiptar, Bardhi ka mbajtur më parë edhe fanellat e skuadrave të Tiranës, Kastriotit dhe Dinamos.
