Trajneri Orges Shehi ka marrë vendimin për t’u larguar nga drejtimi i skuadrës së Tiranës, ndonëse asnjëra nga palët nuk ka dalë ende me një njoftim zyrtar.
Tekniku durrsak është duke shqyrtuar opsionet e mundshme për të ardhmen e tij dhe pritet të zhvillojë një takim me presidentin e Prishtinës, Rrahman Haradini.
Në aventurën e tij të fundit me klubin kryeqytetas në Shqipëri, Shehi arriti të përmbushte objektivin e skuadrës duke siguruar mbijetesën në elitë. Nga ana tjetër, klubi i Prishtinës ka nisur ristrukturimin e stafit teknik pas zyrtarizimit të largimit të trajnerit të deritanishëm, Alban Dragusha.
Synimi i drejtuesve kosovarë është fillimi i një projekti të ri dhe ambicioz për edicionin e ardhshëm futbollistik.
