Klubi i Skënderbeut ka nisur ndryshimet e para për merkaton e verës, duke zyrtarizuar largimin e parë të rëndësishëm nga skuadra.
Sulmuesi Mario Beshiraj do të ndajë rrugët përfundimisht me klubin korçar pas mbylljes së edicionit futbollistik. Lojtari 26-vjeçar erdhi te bardhekuqtë gjatë muajit janar dhe u shndërrua në një nga lojtarët kryesorë për rikthimin e ekipit në elitë.
Përgjatë 14 ndeshjeve zyrtare të luajtura, ai arriti të shënojë gjashtë gola dhe të dhurojë një asist. Aktualisht, sulmuesi ka filluar bisedimet me skuadra të tjera për të përcaktuar destinacionin e tij të ri.
Nga ana tjetër, trajneri Julian Ahmataj po punon për rindërtimin e organikës me synimin për të pasur një grup konkurrues në sezonin e ardhshëm.
Grumbullimi i lojtarëve dhe nisja e fazës përgatitore është programuar të zhvillohet në fund të muajit qershor.
