Klubi i Partizanit ka gjetur marrëveshjen me teknikun rumun Florin Bratu, i cili pritet të prezantohet së shpejti në krye të stoli të kuq.
Përzgjedhja e 46-vjeçarit erdhi pasi dështuan bisedimet me emrat e njohur si Zoran Zekiç dhe Paolo Tramezzani. Së fundmi, Bratu ka qenë në drejtimin e skuadrës rumune të Metaloglobus, ku u emërua në fillim të muajit mars, por e mbylli sezonin në vendin e fundit duke pësuar rënie nga kategoria.
Gjatë karrierës së tij, ai ka mbajtur edhe pozicionin e shefit të skautëve përpara se të niste rrugëtimin si trajner në vitin 2014 me ekipin e dytë të Dinamos së Bukureshtit.
Përveç eksperiencave me ekipet e moshave dhe kombëtaren e Rumanisë U-21, CV-ja e tij përfshin kryesisht klube që aktualisht garojnë në ligat inferiore, si Karmiotissa, Concordia, AFC Turris, Aerostar dhe Tunari.
