Dy futbollistë të rinj të Shqipërisë kanë vendosur të ndryshojnë përfaqësuese.
Lorenc Perlala dhe Samuel Prendi do t’i bashkohen respektivisht ekipeve kombëtare të Holandës dhe Italisë, sipas raportimeve të fundit.
Perlala, mesfushor i Feyenoord-it, është ftuar nga Holanda pas paraqitjeve të mira me Shqipërinë U15 verën e kaluar. Nga ana tjetër, Prendi pritet të bashkohet me Italinë U15 në grumbullimet e ardhshme.
Këto janë dy largime të tjera që prekin ekipet e moshave shqiptare.
Që prej emërimit të Fulvio Pea-s si drejtor teknik i FSHF-së, janë regjistruar disa raste të ngjashme. Situata ka ngjallur diskutime mbi strategjinë e zhvillimit të talenteve në futbollin shqiptar.
