Jasir Asani vazhdon formën e shkëlqyer në Iran, ku është pjesë e skuadrës së Esteghlal. Sulmuesi i Kombëtares shqiptare shënoi për të katërtën ndeshje radhazi, këtë herë në fitoren 3-1 ndaj Aluminium Arak.
Ai zhbllokoi takimin në minutën e 17-të, pasi fitoi dhe shndërroi në gol një penallti. Ky ishte goli i gjashtë sezonal për Asanin mes kampionatit dhe Ligës së Kampioneve të Azisë.
Me këtë ecuri, Asani konfirmon rolin e tij si një nga lojtarët më vendimtarë të skuadrës iraniane.
30-vjeçari iu bashkua Esteghlal në fund të merkatos verore, pas një periudhe të mirë te Gwangju në Korenë e Jugut.
SHIHNI GOLIN E SHËNUAR: VIDEO
