Kalo te përmbajtja
LAJMET E FUNDIT
Brajan Gruda zgjodhi Gjermaninë para Shqipërisë, presidenti Duka zbardh prapaskenatDuka: Ligji i sponsorizimit duhet të mbështesë realisht sportin, nëntor i suksesshëm për KombëtaretPartizani “përplaset” me FSHF-në, dënimi nuk hiqet për të kuqtëVideo/ Një shqiptar nderon Milanin, Ardon Jashari shënon supergolVideo/ “Predhë” nga distanca, shikoni çfarë bën Muçi në TurqiVideo/ Kevin Dodaj çmend stadiumin, shënon eurogol në shtesë
FacebookInstagramYouTubeTikTok
Partizani
Kampionati

Partizani “përplaset” me FSHF-në, dënimi nuk hiqet për të kuqtë

Publikuar

Vazhdon përplasja mes Partizanit dhe komisioneve juridike të FSHF-së për çështjen e futbollistit të ri Jon Çaushi. Bëhet fjalë për një nga ato…

Vazhdon përplasja mes Partizanit dhe komisioneve juridike të FSHF-së për çështjen e futbollistit të ri Jon Çaushi. Bëhet fjalë për një nga ato problematika që kanë shtuar tensionet mes palëve, veçanërisht në futbollin e moshave, ndërsa në marrëdhëniet e tjera nuk janë evidentuar përplasje të ngjashme.

Në qendër të debatit është lojtari i Partizanit U-18, Jon Çaushi, për të cilin Komisioni i Disiplinës dhe Etikës ka marrë tashmë katër herë të njëjtin vendim. Edhe në mbledhjen e djeshme, kërkesa e futbollistit është rrëzuar si e pabazuar në Kodin e Disiplinës dhe Etikës, madje kësaj radhe nuk i pranohet as konvertimi i dënimit. I njëjti qëndrim ishte mbajtur edhe në mbledhjet e 27 gushtit, 22 tetorit dhe 5 nëntorit ku nuk u pranua amnistia.

Kujtojmë se më 15 maj, ndaj Çaushit ishte dhënë masa e pezullimit me tetë ndeshje nga aktiviteti. Ajo që e bën edhe më të diskutueshme këtë çështje është fakti se gjatë periudhës së pezullimit, futbollisti është aktivizuar me ekipin U-19 në kompeticionet europiane, ndërsa nuk mund të luajë në kampionatin vendas.

Sipas pretendimeve të Partizanit, një tjetër element që ngre pikëpyetje lidhet me mundësinë e rikthimit në fushë pas shlyerjes së gjysmës së dënimit, kundrejt pagesës së gjobës përkatëse. Por këtu qëndron edhe paradoksi që kundërshtojnë të kuqtë, pavarësisht se bëhet fjalë për një futbollist të moshave, që aktivizohet në nivel amator, atij i kërkohet të paguajë të njëjtën gjobë si lojtarët profesionistë të Kategorisë Superiore, konkretisht 1 milion lekë për çdo ndeshje.

Norka Security

Por nuk është pranuar as ky kusht. Kështu, çështja Çaushi vijon të mbetet një mollë sherri mes Partizanit dhe strukturave disiplinore të FSHF-së, ndërsa katër vendimet e përsëritura të Komisionit të Disiplinës nuk kanë arritur ta mbyllin përplasjen.

Burimi: Panorama Sport

Shpërnda: Facebook
Reklamë
Ndiq VETËM SPORT

Lajmet sportive më të shpejta direkt në rrjetet tuaja.

Lajme të ngjashme

Privacy Overview

This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.