Një episod i pazakontë ka ndodhur gjatë takimit të Kupës mes Bylisit dhe Laçit. Pas përfundimit të kohës së rregullt, e cila u mbyll me rezultatin baras 2-2, ambulanca u largua nga ambientet e stadiumit.
Drejtuesi i mjetit kishte supozuar se ndeshja kishte përfunduar plotësisht, duke harruar rregulloren që parashikon kohën shtesë në raste barazimi.
Kjo situatë ka detyruar zyrtarët e ndeshjes të ndalojnë fillimin e pjesëve shtesë, pasi prania e ndihmës mjekësore është kusht i detyrueshëm për mbarëvajtjen e lojës.
Drejtuesit e klubit ballshiot janë vënë menjëherë në lëvizje për të kontaktuar shoferin dhe për të mundësuar rikthimin e ambulancës në stadium.
