Sulmuesi Brajan Gruda ka gjetur sërish rrugën e rrjetës me fanellën e Brighton-it, duke shënuar në sfidën e vlefshme për Kupën FA.
Futbollisti me origjinë nga Shkodra realizoi golin e avantazhit në minutën e 12-të të takimit kundër Manchester United, të zhvilluar në stadiumin “Old Trafford”.
SHIKONI VIDEON: Goli i shënuar nga Brajan Gruda në Angli https://vetemsport.com/goli-i-shenuar-nga-brajan-gruda-ne-angli/
Ky realizim ka një rëndësi të veçantë për 20-vjeçarin, i cili gjatë këtij sezoni është përballur me disa lëndime që kanë kushtëzuar aktivizimin e tij. Për Grudën, ky ishte goli i parë pas një periudhe disamujore, pasi hera e fundit që kishte shënuar ishte në muajin gusht.
Ironikisht, edhe në atë kohë, sulmuesi kishte ndihmuar ekipin e tij të mposhtte Manchester Cityn në kampionat. Paraqitja e sotme konfirmon rikthimin e tij në formë në një moment kyç për skuadrën.
